بين السما ورمشيني/ بقلم: وعد جرجس

بين السما ورمشيني

بقلم: وعد جرجس

_______

بين السَّما ورمشينِي

  معلِّكة     ياعيني

يانار يجفينَا لهَبْ

صارَت رمَاد سنينِي

دمعِي رماني من الجَوى

 عطشان   مايِسْكِيني

أصْبِر بِروحِي وانْتظِر

هِلِّي   مَطَر   وروينِي

يا ماشِيَة فوكَ الغُيوم

مالِ العَطَشْ سَاكينِيْ

ياحايِمَة بين الهُدوبْ

مَالِ السُّهُد سَابينِيْ

أمْشِيْ و كَلبِي  بِكَفِّي

مَدرِيْ الهوى معادينِي

بْروحِيْ أحِسِّنْ لا سِما

 لا أرض تِحْمِل أنِينيْ

مدِّي هدَاك اللي رحَلْ

  عالبَرد    وناسيني

شويّة نَفَسْ من روحِك

تدفِّيهْ    وتدفِّيني

أستنَّى طيفِجْ كُلْ مسَا

يِسكنِّي وبكَا حارسَهْ

موكد حطب وتحسَّسَهْ

شعلة    بدمِّي مآنِسة

مِلفَعْ صَفَا عَكلِي لبَسَهْ

 نَيَّمِجْ     بشْرايينِيْ

يا ماشية فوكَ الغُيومْ

راحِ   النَّظَر يا عِينيْ

ماعاد صَبري يحتِملْ

صَار الهوى مآذيني

أدْرِي العِنَب لَهْ موسِمَهْ

وأدرِيْ الشَّمسْ تغرُبْ تَرَى

وأدري الكُمَرْ تِغفَل عُيُونَهْ

بسِّ    البُعِدْ    كاوينِي

_________

وعد جرجس

20\07\2020