خيال القصيدة/ بقلم: نرجس عمران
خيال القصيدة/ بقلم: نرجس عمران
ــــــــــــــــــــــــــ
عابالي المحلك بخيال القصيدة
قبالي تمرجحك .. حبال التنهيدة
وحياتك…
وحياة الي خلا حبك مو بايدي
لخلي القوافي…… تترنح عتب
# # #
عبالي بلل الحروف بسعد
ولبس المعاني طيوف الورد
عبالي طرز الأحلام عا قد
لولو مبسمك وحمرة القلب
# #
عبالي طرز لياليك .. شعر
وخلي المطالع تعشق السهر
وعاميلة أنفاسك دوزن العطر
يرّقص الضلوع عاسوى وعالقلب
# #
عبالي خيّط العتمات بالعتم
واصرخ الكلمات يلي ماإلها تم
و خلي الليلات تحفر وتطم
نهارات عاجيبنا الشوق انكتب
# #
عبالي اسرق الوعد بلكي
تخجل النطرة وتبطل حكي
وخلي عينين الوفا تبكي
لما فينا يطلعوا بلا سبب
# #
عبالي …نوّس نورك وصحي
فينا الولدنة وعالسكت محي
أشواق مكّومة بطرقات روحي
تصارت مبلكمة مابيعجبها عجب
# #
عبالي… وشو عبالي عيش
لحظات طويلة وقصيرة قديش
جناحاتا ريش أو خيش معليش
المهم نقضيا….. نحنا و الشغب
نرجس عمران
سورية
