مش عارف شو بدي/بقلم: سماح الضاهر
مش عارف شو بدي
بقلم: سماح الضاهر
ــــــــــــــــــ
مش عارف شو بدي
كل شي صاير وجع
بعيون محتدة
بقلوب لبكها الحزن
مش عارف شو بدي
عمر و مرق مثل البرق
غفلة زمان ضيعت دربي
لساتني ناطر
شي نسمة فرح
تهفف على قلبي
عبطة أمل و كل الدني حدي
مدري الوعد نسي العهد
وارتاح على مخدة
مدري الغفى بعدو مكبل الأيام
مدري هديرالشوق ما عاد يتهدى
مدري انا بردان حضن و دفا
مدري الدني كلها جفا
شوَح بإيدو … قلي لا تنطر
حلمك كان غفيان على غيمة رجا
لما صحي …
مشي بدربو و طارت السكرة .
